Siña Hende e Bèrdat

Kuminsando for di sèptèmber, nos Material i Tarea pa Reunion lo inkluí un presentashon nobo: “Siña Hende e Bèrdat.” E meta ta pa kompartí un bèrdat básiko di Beibel usando un pregunta i un teksto.

Si un persona ta interesá, nos por lanta su ekspektativa pa e siguiente bishita lagando un publikashon p’e òf mustr’é un vidio di jw.org. Purba di bolbe denter di un par di dia pa sigui ku e kòmbersashon. E presentashonnan nobo akí i asignashonnan pa studiante ta basá riba e temanan di e buki Beibel Ta Siña. Den e kuadronan na final di kada kapítulo, nos por haña mas teksto di Beibel ku lo yuda nos hasi rebishita i dirigí un estudio usando solamente nos Beibel.

Ta ún kaminda so ta hiba na bida. (Mat 7:13, 14) Mirando ku e hendenan ku nos ta papia kuné ta di vários religion i background, nos tin ku hasi sigur di kompartí bèrdatnan bíbliko ku lo interesá nan personalmente. (1Ti 2:4) Segun ku nos ta bira mas efikas den usa temanan bíbliko i “ta manehá e palabra di e bèrdat korektamente,” nos goso lo oumentá i nos lo tin éksito siñando hende e bèrdat.—2Ti 2:15.