Edukashon Divino Ta Vense Prehuisio

Yehova no ta hasi distinshon di persona. (Ech 10:34, 35) E ta aseptá hende “di tur nashon, tribu, pueblo i idioma.” (Rev 7:9) P’esei, den e kongregashon kristian no tin lugá pa prehuisio ni faboritismo. (Snt 2:1-4) Danki na edukashon divino, nos ta disfrutá di un paradeis spiritual, unda nos ta mira kon hende su personalidat ta kambia. (Isa 11:6-9) Segun ku nos ta hasi esfuerso pa ranka tur rastro di prehuisio for di nos kurason, nos ta demostrá ku nos ta imitá Dios.—Efe 5:1, 2.

WAK E VIDIO JOHNY I GIDEON: ÁNTES ENEMIGU, AWOR RUMAN. DESPUES, KONTESTÁ E SIGUIENTE PREGUNTANAN:

• Dikon edukashon divino ta superior na kualke medio ku hende por usa pa kaba ku diskriminashon i prehuisio?

• Ki aspekto di nos hermandat mundial ta impreshoná bo mas?

• Dikon nos union ta duna gloria na Yehova?