Kòrda Hasi Orashon pa Kristiannan Ku Ta Ser Persiguí

Beibel a profetisá ku Satanas lo persiguí nos pa asina stroba e trabou di prediká. (Hua 15:20; Rev 12:17) Kon nos por yuda nos rumannan na otro pais ku ta ser persiguí? Nos por hasi orashon pa nan. Beibel ta bisa: “Súplika di un hende hustu tin hopi poder i ta masha efektivo.”—Snt 5:16.

Kiko nos por pidi den orashon? Nos por pidi Yehova pa duna nos rumannan kurashi i yuda nan pa no tene miedu. (Isa 41:10-13) Ademas, nos por hasi orashon pa outoridatnan no oponé e trabou di prediká, “a fin ku nos por sigui hiba un bida trankil i ketu.”—1Ti 2:1, 2.

Tempu Pablo i Pedro tabata ser persiguí, e kristiannan di promé siglo tabata hasi orashon menshonando nan nòmber. (Ech 12:5; Rom 15:30, 31) Asta si nos no sa nòmber di tur e rumannan ku awe ta ser persiguí, nos por menshoná nòmber di nan kongregashon, pais òf region den nos orashon.

Skirbi e paisnan kaminda kristiannan ta ser persiguí i ku bo ke hasi orashon pa nan.