Siña for di e Buki di Yonas

Yehova a laga skirbi den su Palabra relato tokante bida di su fiel sirbidónan pa siña nos lèsnan balioso. (Rom 15:4) Kiko bo a siña for di e buki di Yonas? Wak e vidio Adorashon Komo Famia: E Relato di Yonas Ta Siña Nos Ku Yehova Ta Miserikòrdioso, i kontestá e siguiente preguntanan:

• Ki pruebanan e tres publikadónan a haña nan kuné?

• Kon e buki di Yonas por animá nos si nos a haña disiplina òf a pèrdè privilegio di sirbishi? (1Sa 16:7; Yon 3:1, 2)

• Kon e relato di Yonas por yuda nos mantené un punto di bista positivo di nos teritorio? (Yon 4:11; Mat 5:7)

• Kon e relato di Yonas por konsolá nos ora nos ta sufri di un malesa króniko? (Yon 2:1, 2, 7, 9)

• Kiko bo a siña for di e vidio enkuanto e importansia di lesa Beibel i meditá riba loke bo ta lesa?