Hesus Ta Kura Hende Riba Sabat

3:1-5

Dikon e aktitut di e lidernan religioso hudiu a hasi Hesus masha tristu? Pasobra nan a agregá un kantidat di regla na e lei di sabat i a hasié un karga. Por ehèmpel, riba sabat hende no tabatin mag di mata un pruga. Tampoko nan no por a pone un wesu ku a sali bèk na su lugá ni verbant un wesu ku a kibra. Nan por kuida un hende malu solamente si esei tabata un asuntu di bida òf morto. Klaramente anto, e lidernan religioso no tabata interesá den e hòmber ku man mankaron.