Evitá e Peligernan di Ret Sosial

DIKON ESAKI TA IMPORTANTE: Meskos ku hopi kos, ret sosial por ta útil òf peligroso. Algun ruman ta skohe pa no usa ret sosial. Otro ruman ta usa ret sosial pa keda den kontakto ku nan famia- i amigunan. Pero, Satanas ke pa nos usa ret sosial na un manera robes, loke por daña nos reputashon i nos relashon ku Yehova. P’esei, meskos ku Hesus, nos tambe por usa e prinsipionan ku nos ta haña den e Palabra di Dios pa identifiká e peligernan i evitá nan.—Luk 4:4, 8, 12.

EVITÁ E PELIGERNAN AKÍ:

• Pasa demasiado tempu riba ret sosial. Ora nos ta pasa oranan largu riba ret sosial òf riba Internet, nos ta kita tempu balioso for di kosnan mas importante, manera por ehèmpel, aktividat spiritual

  Prinsipio di Beibel: Efe 5:15, 16; Flp 1:10

• Wak loke ta inapropiá. Si nos ta wak potrèt, plachi i vidio provokativo, esei por pone nos bira adikto na pornografia òf pone nos kai den inmoralidat seksual. Si nos ta lesa informashon òf blog apóstata, nos fe por kuminsá debilitá

  Prinsipio di Beibel: Mat 5:28; Flp 4:8

• Pone komentario òf potrèt inapropiá. Debí ku hende su kurason ta traishonero, un hende por tin e tendensia di pone komentario òf potrèt inapropiá riba ret sosial. Esei por daña un hende su reputashon òf pone otro ruman trompeká den sentido spiritual

  Prinsipio di Beibel: Rom 14:13; Efe 4:29

DESPUES DI WAK E VIDIO USA RET SOSIAL NA UN MANERA SABÍ, ANALISÁ KON PA EVITÁ E SIGUIENTE SITUASHONNAN: