Saka Mas Benefisio for di Bo Estudio Personal

DIKON ESAKI TA IMPORTANTE: Estudio personal di e Palabra di Dios ta yuda nos “pa komprondé plenamente kiko ta e hanchura, largura, haltura i profundidat” di e bèrdat. (Efe 3:18) Ademas, e ta yuda nos keda ireprochabel i sin mancha meimei di un mundu malbado, i e ta yuda nos tene “un gara firme riba e palabra di bida.” (Flp 2:15, 16) Durante nos estudio personal di e Palabra di Dios, nos por skohe informashon pa studia a base di nos nesesidatnan. Kiko nos por hasi pa benefisiá mas tantu posibel di nos lesamentu i estudio di Beibel?

KON PA HASI ESAKI:

• Marka algun versíkulo i hasi anotashon den e Beibel ku bo ta usa pa hasi estudio, sea e ta imprimí òf elektróniko

• Segun ku bo ta lesa e Palabra di Dios, hasi bo mes e preguntanan akí: ‘Ken? Kiko? Na ki momento? Na unda? Kon? Dikon?’

• Buska informashon pa haña sa e detayenan. Nos por usa e hèrmèntnan ku nos tin pa buska informashon segun tópiko òf versíkulo

• Meditá riba loke bo ta lesa i purba di saka afó kon e informashon ta apliká na bo personalmente

• Pone loke bo ta siña na práktika den bo bida diario. —Luk 6:47, 48

WAK E VIDIO UN BON ESTUDIO PERSONAL TA YUDA NOS GARA FIRME NA E PALABRA DI DIOS, I DESPUES KONTESTÁ E SIGUIENTE PREGUNTANAN:

• Kon algun ruman ta mira estudio personal?

• Dikon nos tin ku hasi orashon promé ku nos kuminsá studia?

• Kiko por yuda nos haña un mihó komprondementu di un relato bíbliko?

• Kon ta algun manera ku nos por marka den nos Beibel di estudio?

• Dikon ta importante pa nos meditá ora nos ta studia e Palabra di Dios?

• Kiko nos mester hasi ku loke nos ta siña?