Kiko Ta Yehova Su Punto di Bista?

Promé ku nos tuma un desishon, sea grandi òf chikitu, nos ta puntra nos mes, ‘Kiko ta Yehova su punto di bista?’ Aunke nunka nos lo kaba di konosé e mente di Yehova, Yehova ta revelá tur loke nos mester sa den su Palabra pa ekipá nos pa “tur bon obra.” (2Ti 3:16, 17; Rom 11:33, 34) Hesus a komprondé bon kla kiko ta e boluntat di Yehova i a pone esaki na promé lugá den su bida. (Hua 4:34) Meskos ku Hesus, laga nos hasi nos máksimo esfuerso pa tuma desishon ku ta agradá Yehova.—Hua 8:28, 29; Efe 5:15-17.

WAK E VIDIO SIGUI HASI ESFUERSO PA KOMPRONDÉ KIKO TA E BOLUNTAT DI YEHOVA (LEV 19:18), I DESPUES KONTESTÁ E SIGUIENTE PREGUNTANAN:

• Dikon nos mester apliká prinsipio di Beibel den nos bida?

• Kua ta algun prinsipio di Beibel ku nos tin ku tene kuenta kuné ora di skohe ki músika nos ta skucha?

• Kua ta algun prinsipio di Beibel ku nos tin ku tene kuenta kuné ora di skohe nos forma di bisti i e manera ku nos ta kuida nos aparensia?

• Den ki otro área di nos bida nos tin ku apliká prinsipio bíbliko?

• Kon nos por komprondé kiko ta e boluntat di Yehova kada bes mas mihó?