Anda ku Hende Ku Ta Stima Yehova

Ta importante pa nos anda ku hende ku ta stima Yehova. Dikon? Pasobra e hendenan ku nos ta anda kuné por tin sea un efekto positivo òf negativo riba nos. (Pro 13:20) Por ehèmpel, Rei Joas tabata hasi loke ta “bon den bista di [Yehova]” tanten ku el a keda den kompania di Sumo Saserdote Joiada. (2Kr 24:2) Ma despues ku Joiada a muri, Joas a stòp di sirbi Yehova pasobra el a kuminsá anda ku hende ku tabatin mal influensia riba dje.—2Kr 24:17-19.

Den promé siglo, apòstel Pablo a kompará e kongregashon kristian ku “un kas grandi” i e miembronan di e kongregashon ku “wea.” Nos lo keda “un wea pa un propósito onorabel” ora nos ta evitá di anda ku hende, inkluyendo nos mes famia òf un miembro di e kongregashon, ku ta hasi malu den bista di Yehova. (2Ti 2:20, 21) P’esei, laga nos sigui sera amistat ku hende ku ta stima Yehova i ku ta animá nos pa sirbi Yehova fielmente.

WAK E VIDIO SIÑA RECHASÁ MAL KOMPANIA, I DESPUES KONTESTÁ E SIGUIENTE PREGUNTANAN:

• Kon ta algun manera ku nos por ta andando ku hende ku ta mal kompania pa nos sin ku nos ta realisá esei?

• Kiko a yuda e tres rumannan den e vidio stòp di anda ku hende ku ta mal kompania?

• Ki prinsipio di Beibel por yuda bo skohe e hendenan ku bo ta anda kuné sabiamente?