Ken Mi Por Invitá?

Tur aña nos ta hasi èkstra esfuerso pa invitá hende ku ta biba den nos teritorio pa bin konmemorá e morto di Hesus huntu ku nos. Mayoria di nan ta hende ku nos no konosé. Pero, nos mester invitá hende ku nos konosé tambe. Hopi biaha, ora un hende haña invitashon di un konosí, tin mas chèns ku lo e aseptá e invitashon akí. (yb08-S 11 §3; 14 §1) Ken bo por invitá?

• Famia

• Kolega di trabou òf kompañero di skol

• Bisiña

• Bo rebishitanan, studiantenan i eks-studiantenan di Beibel

Ademas, e ansianonan lo invitá e rumannan inaktivo. Kiko si bo ke invitá un konosí ku no ta biba den bo área? Bo por buska e ora i lugá ku lo tene Memorial den su área. Pa haña sa esei, bai na e sekshon TOKANTE NOS ku ta keda ariba na e página inisial di jw.org i klek riba “Konmemorashon.” Segun ku bo ta prepará pa Memorial e aña akí, pensa ken bo por invitá i duna nan un invitashon.