Deshasí di Tur Dios Falsu

Yakòb tabata sa ku hende mester adorá Yehova so, maske den e tempu ei no tabatin lei ku a prohibí adorashon di dios falsu. (Éks 20:3-5) P’esei, despues ku Yehova a bisa Yakòb pa bolbe Bètel, Yakòb a instruí su famia i tur hende ku tabata kuné pa dun’é nan imágennan. Despues, Yakòb a deshasí di e imágennan, inkluso renchi di orea ku probablemente a ser usá komo amuleto. (Gén 35:1-4) Yehova sin duda tabata kontentu ku loke Yakòb a hasi.

Den nos tempu, kon nos por demostrá ku nos ta adorá Yehova so? Na promé lugá, nos mester evitá tur loke tin di haber ku idolatria i spiritismo. Esei ta enserá ku nos mester deshasí di tur kos ku tin di haber ku okultismo. Ademas, nos mester wak bon kiko nos ta skohe pa entretené nos mes kuné. Por ehèmpel, puntra bo mes: ‘Den e bukinan ku mi ta lesa òf e pelíkulanan ku mi ta wak, tin kos manera vampiro, zòmbi òf kos sobrenatural? Loke mi ta entretené mi mes kuné ta presentá magia òf bruheria komo algu prèt i inofensivo?’ Nos mester keda leu for di tur kos ku Yehova ta odia.—Sl 97:10.

WAK E VIDIO “OPONÉ DIABEL,” I DESPUES KONTESTÁ E SIGUIENTE PREGUNTANAN:

• 

  Ki problema un studiante di Beibel ku yama Palesa a hañ’é kuné?

• 

  Dikon ta sabí pa buska yudansa di e ansianonan ora un hende tin problema ku spiritismo?

• 

  Si nos ke pa Yehova protehá nos, kiko ta e kosnan ku nos tin ku deshasí di dje?

• Ki paso desisivo Palesa a tuma?

• Kiko bo por hasi pa evitá influensia di demoño kaminda bo ta biba?