TESORO DI E PALABRA DI DIOS | GÉNESIS 44-45
Yosef A Pordoná Su Ruman Hòmbernan
No ta semper fásil pa pordoná un hende ku a trata nos malu, spesialmente si e persona ei a hasi esei intenshonalmente. Kiko a yuda Yosef pordoná su rumannan apesar ku nan a trat’é malu?
Yosef no a trata su rumannan manera nan a trat’é; mas bien, el a buska pa wak si nan a kambia pasobra e tabata kla pa pordoná nan.—Sl 86:5; Luk 17:3, 4
E no a karga renkor. Mas bien, el a imitá Yehova, kende ta pordoná libremente.—Mik 7:18, 19
Kon mi por imitá Yehova ora di pordoná otro hende?