Tene Kuidou pa Bo No Plama Informashon Inkorekto

Awe, informashon por yega masha lihé serka miónes di hende via publikashon imprimí, radio, televishon i Internet. Hende ku ta sirbi “e Dios di bèrdat” no ke plama informashon falsu, ni sin ku nan no por yuda. (Sl 31:5, NW; Éks 23:1) Informashon inkorekto por kousa hopi daño. Si bo ke sa si un informashon ta bèrdat, puntra bo mes:

• ‘E fuente ta konfiabel?’ Kisas e persona ku ta duna informashon no tin tur echo. Ora informashon ta pasa di un persona pa otro, bo no por evitá ku e ta kambia. P’esei, bo mester tene kuidou ora bo no sa for di ki fuente e informashon ta bini. Spesialmente e rumannan ku tin responsabilidat di guia e kongregashon mester tene kuidou ora nan ta duna informashon ku nan no por konfirmá

• ‘E informashon ta daña reputashon di hende?’ Si e informashon ta daña e bon nòmber di un persona òf grupo, ta mihó bo no sigui pasa e informashon ei na otro hende.—Pro 18:8; Flp 4:8

• ‘E informashon ta konfiabel?’ Tene kuidou ora bo ta skucha informashon ku ta zona eksagerá

WAK E VIDIO KON BO POR EVITÁ REDU? I DESPUES KONTESTÁ E SIGUIENTE PREGUNTANAN:

• 

  Segun Proverbionan 12:18, kon nos palabranan por hasi daño na otro hende?

• 

  Kon Filipensenan 2:4 por yuda nos tin un punto di bista balansá tokante loke nos ta papia di otro hende?

• 

  Kiko nos mester hasi si un hende duna komentario sarkástiko òf negativo tokante un otro hende?

• 

  Promé ku nos papia tokante otro hende, ki pregunta nos mester hasi nos mes?