Nos Ta Mustra Amor ora Nos Ta Apoyá Disiplina di Yehova

Ekspulshon ta protehá e kongregashon i ta yuda korigí un persona ku no a arepentí di su pikánan. (1Ko 5:6, 11) Nos ta mustra amor na Yehova ora nos ta apoyá su manera di disipliná hende. Kon algu ku ta kousa asina tantu tristesa, spesialmente pa famia i e komité hudisial, ta mustra amor pa Yehova?

E kos di mas importante ta ku nos ta mustra amor pa Yehova su nòmber i pa su normanan di santidat. (1Pe 1:14-16) Ademas, nos ta mustra amor pa e persona ekspulsá. Disiplina firme por ta algu ku ta hasi masha doló, pero e ta produsí “e fruta di pas, esta, un bida hustu.” (Heb 12:5, 6, 11) Pero, si nos no kibra kontakto ku un persona ekspulsá òf ku a desasosiá su mes, nos ta stroba e disiplina di Yehova di yuda e persona. Kòrda, Yehova ta disipliná su pueblo “ku hustisia.” (Yer 30:11) Laga nos sigui apoyá e disiplina di Yehova i sigui ku nos rutina spiritual, segun ku nos ta warda e persona bolbe na nos Tata miserikòrdioso.—Isa 1:16-18; 55:7.

WAK E VIDIO MANTENÉ UN KURASON LEAL I KOMPLETO, I DESPUES KONTESTÁ E SIGUIENTE PREGUNTANAN:

• 

  Ki doló un mayor kristian ta sinti ora un yu bandoná Yehova?

• 

  Kon e kongregashon por yuda e miembronan di famia ku a keda fiel?

• 

  Ki relato di Beibel ta mustra ku ta mas importante pa keda leal na Yehova ku keda leal na famia?

• 

  Kon nos por demostrá ku nos lealtat na Yehova ta mas importante ku nos lealtat na famia?