Bo Tin Deseo pa Bai e Skol pa Predikadó di Reino?

Bo ta entre 23 i 65 aña di edat i ta den sirbishi di tempu kompleto? Bo ta bon di salú, i bo por sirbi kaminda tin mester di mas predikadó? Si bo kontesta ta sí, bo a pensa pa apliká pa e Skol pa Predikadó di Reino? Desde ku a kuminsá ku e promé klas, míles di pareha, ruman hòmber soltero i ruman muhé soltero a apliká. Sinembargo, nos mester di mas ruman hòmber soltero pa apliká. Pidi Yehova duna bo e deseo pa hasi mas den su sirbishi i pa imitá su Yu. (Sl 40:8; Mat 20:28; Heb 10:7) Despues, purba di hiba un bida simpel pa bo por kualifiká pa e skol.

Ki oportunidat di sirbishi e graduadonan a haña despues ku nan a risibí e entrenamentu teokrátiko akí? Algun di e graduadonan ei a bai sirbi kaminda ta papia otro idioma òf ta partisipá den predikashon spesial den área públiko. Otro ruman ku tempu a sirbi komo superintendente di sirkuito supstituto, superintendente di sirkuito i misionero. Segun ku bo ta meditá riba e oportunidat pa hasi mas den bo sirbishi na Yehova, nos ta spera ku bo tin e mes aktitut ku Profeta Isaías tabatin: “At’ami aki! Manda ami!”—Isa 6:8.

WAK E VIDIO MISIONERO—TRAHADÓ DEN E TRABOU DI KOSECHÁ, I DESPUES KONTESTÁ E SIGUIENTE PREGUNTANAN:

• 

  Kon ta skohe e misioneronan?

• 

  Ki bon obra e misioneronan ta hasi?

• 

  Ki ta algun bendishon ku e misioneronan ta haña?