NOS BIDA KRISTIAN

**Usa e Publikashonnan Bo Por Disfrutá di Bida pa Semper! den Bo Sirbishi**

Esta kontentu nos ta di tin un foyeto i buki nobo pa dirigí estudio di Beibel! Nos ta pidi Yehova pa bendishoná nos esfuerso pa hasi mas disipel. (Mat 28:18-20; 1Ko 3:6-9) Kon nos ta usa e hèrmèntnan nobo akí?

Komo ku e kurso di Beibel akí ta interaktivo, nos mester kambia nos manera di siña hende. Pues, bo por usa e siguiente instrukshonnan segun ku bo ta prepará i dirigí estudio di Beibel.a

Lesa e informashon i analisá e preguntanan
Lesa tur e tekstonan ku ta indiká pa “lesa” i yuda e studiante komprondé nan aplikashon
Pasa i analisá e vidionan usando e preguntanan ku ta pertenesé na nan
Purba di studia un lès kada bes ku bo studia ku e studiante

Den sirbishi, ofresé e persona e foyeto promé pa wak si e ta interesá. (Wak e kuadro “Kon pa ofresé e foyeto Bo Por Disfrutá di Bida pa Semper! durante e promé kòmbersashon.”) Si bo a kaba di studia e foyeto huntu ku e studiante i e ke sigui studia, e ora ei ofresé e buki i kuminsá na lès 04. Si bo ta studiando ku un hende for di un otro publikashon, stòp di studia ku e studiante for di e publikashon ei i determiná na kua lès den e buki Bo Por Disfrutá di Bida pa Semper! bo por sigui studia kuné.

E mesun pareha ta usa e buki “Bo Por Disfrutá di Bida pa Semper!” pa dirigí un estudio di Beibel ku e mener na su kas.

WAK E VIDIO BON BINÍ NA BO ESTUDIO DI BEIBEL, I DESPUES KONTESTÁ E SIGUIENTE PREGUNTANAN:

Kiko un studiante lo siña for di e buki nobo?
Dikon bo mester mustra un studiante nobo e vidio akí?
Segun ku bo ta studia ku un persona, ki meta bo mester anim’é pa pone i logra?—Wak e tabèl “Enfoke i Meta pa Kada Sekshon.”

a *NOTA: Aunke ku e sekshon “Mas Informashon Interesante” ta opshonal durante e estudio, tuma tempu pa lesa kada artíkulo òf wak kada vidio segun ku bo ta prepará. E ora ei bo por mira kiko lo interesá bo studiante i yud’é. E vershon elektróniko ta inkluí link pa e vidio-i artíkulonan adishonal.

ENFOKE I META PA KADA SEKSHON
	LÈS	ENFOKE	META PA STUDIANTE
1	01-12	Haña sa kon Beibel por yuda bo i kon bo por siña konosé su Outor	Animá e studiante pa lesa Beibel, prepará pa e estudio i kuminsá asistí na reunion
2	13-33	Wak kiko Dios a hasi pa nos i ki tipo di adorashon ta agrad’é	Animá e studiante pa kompartí e bèrdat ku otro hende i pa bira un publikadó
3	34-47	Haña sa kiko Dios ta ferwagt di su adoradónan	Animá e studiante pa dediká su bida na Yehova i batisá
4	48-60	Siña kon pa keda den e amor di Dios	Siña e studiante kon pa distinguí loke ta bon for di loke ta malu i kon pa progresá spiritualmente