Aseptá Yudansa for di Nos Rumannan

Pa yuda nos, Yehova ta duna nos “henter e hermandat.” (1Pe 5:9) Nos rumannan por yuda nos tin éksito den sirbishi apesar di e retonan ku nos por enfrentá. Por ehèmpel, Apòstel Pablo a benefisiá di e yudansa ku el a risibí for di Akila ku Priskila, Sílas, Timoteo i otro ruman.—Ech 18:1-5.

Kon bo rumannan por yuda bo den sirbishi? Nan por duna bo sugerensia práktiko ku por yuda bo vense opheshon, hasi rebishita òf ofresé i dirigí estudio di Beibel. Pensa riba un ruman den bo kongregashon ku por duna bo e yudansa ku bo tin mester i despues pidié pa yuda bo. Sin duda boso tur dos lo benefisiá i haña goso.—Flp 1:25.

WAK E VIDIO HAÑA GOSO DEN E TRABOU DI HASI DISIPEL—ASEPTÁ YUDANSA DI YEHOVA—NOS RUMANNAN, I DESPUES KONTESTÁ E SIGUIENTE PREGUNTANAN:

• 

  Kon Nita a purba di animá Rubi pa asistí na e reunionnan?

• 

  Dikon nos mester invitá otro publikadó pa bai estudio di Beibel ku nos?

• 

  Kiko Rubi i Abigaíl tabatin en komun?

• Kiko bo rumannan por siña bo ku por yuda bo den bo sirbishi?