Yehova Su Spiritu Santu A Yuda e Rumannan Kumpli ku un Asignashon Masha Difísil

Atraves di historia, Yehova su sirbidónan a logra hopi kos impreshonante. Nan no a logra hasi tur esei pasobra nan tabata hopi ábil, mas bien ta Yehova tabata yudando nan. Na aña 1954, Yehova su organisashon a produsí un pelíkula titulá: E Sosiedat di Mundu Nobo den Akshon. Gran parti di e pelíkula a ser produsí pa bètelita ku no tabatin ningun eksperensia den traha pelíkula. Ta ku yudansa di Yehova su spiritu santu so nan por a kumpli ku e asignashon difísil akí. E eksperensia akí ta duna nos konfiansa ku nos por kumpli ku kualke asignashon ku nos risibí, si nos konfia den Yehova.—Zak 4:6.

WAK E VIDIO KON E PELÍKULA “E SOSIEDAT DI MUNDU NOBO DEN AKSHON” A SER PRODUSÍ, I DESPUES KONTESTÁ E SIGUIENTE PREGUNTANAN:

• Dikon e rumannan a disidí pa traha un pelíkula tokante sede mundial?

• Kon e pelíkula a mustra ku Bètel ta manera un kurpa humano?—1Ko 12:14-20

• Ki desafio e rumannan a haña segun ku nan tabata traha e pelíkula, i kon Yehova a yuda nan?

• Kiko e eksperensia akí ta siña nos tokante Yehova su spiritu santu?