Yuda Boso Studiantenan di Beibel Evitá Mal Kompania

Pa un studiante di Beibel por bira amigu di Yehova, e mester skohe bon amigunan. (Sl 15:1, 4) Si bo studiante di Beibel tin bon amigunan, nan lo anim’é pa hasi loke ta korekto.—Pro 13:20; lff lès 48.

Mustra empatia ora bo ta yuda bo studiante di Beibel evitá mal kompania. Por ta difísil pa e stòp di pasa tempu ku su amigunan ku no ta Testigu di Yehova. P’esei, ta bon pa bo mustra interes personal den bo studiante asta riba e dianan ku bo no ta studia Beibel kuné. Bo por manda un mensahe p’e, yam’é òf asta bishit’é. Segun ku bo studiante di Beibel ta progresá, bo por invit’é pa pasa tempu ku otro ruman. E ora ei, e por mira pa su mes ku e ta haña hopi mas ku e ta pèrdè. (Mar 10:29, 30) Abo tambe lo haña goso ora bo mira Yehova su famia bira mas grandi.

WAK E VIDIO YUDA BOSO STUDIANTENAN DI BEIBEL EVITÁ MAL KOMPANIA, I DESPUES KONTESTÁ E SIGUIENTE PREGUNTANAN:

• Kiko ta mal kompania?—1Ko 15:33

• Kiko Rubi a imaginá ku e rumannan ta hasi ora nan ta pasa tempu huntu?

• Kon Nita a yuda Rubi haña bon kompania?