Matrimonio Ta un Kompromiso pa Henter Bo Bida

Parehanan kristian ku tin un matrimonio eksitoso ta felis i ta onra Yehova. (Mar 10:9) Pa un kristian por tin un matrimonio felis i eksitoso, e mester sigui prinsipio di Beibel ora di skohe un kasá.

No kuminsá namorá un persona tanten ku bo no “pasa e flor di hubentut,” pasobra durante e tempu ei, deseonan seksual por hasié difísil pa bo tuma desishon sabí. (1Ko 7:36) Bo por usa e tempu ku bo ta soltero pa fortalesé bo amistat ku Dios i sigui kultivá kualidat kristian. E ora ei, lo bo ta mihó prepará pa kontribuí na un matrimonio eksitoso.

Promé ku bo tuma desishon pa kasa, tuma e tempu nesesario pa siña konosé “e hende ku [e persona] ta di paden.” (1Pe 3:4) Si bo kuminsá haña duda, papia ku e persona ku bo tin pensá pa kasa kuné. Meskos ku kualke otro amistat, den matrimonio bo mester enfoká mas riba loke abo por duna ku riba loke abo por risibí. (Flp 2:3, 4) Si bo apliká prinsipio di Beibel den bo bida promé ku bo kasa, lo ta mas fásil pa bo sigui hasi esei despues ku bo kasa. Esei lo kontribuí na un matrimonio felis.

WAK E VIDIO PREPARÁ PA MATRIMONIO. PARTI 3: “KALKULÁ E GASTU,” I DESPUES KONTESTÁ E SIGUIENTE PREGUNTANAN:

• Kon kos tabata bai segun ku e ruman muhé i Shane tabata namorá otro?

• Kiko e ruman muhé a nota segun ku nan a sigui konosé otro mihó?

• Kon su mayornan a yud’é, i ki bon desishon el a tuma?