Nos Orashonnan Ta Presioso pa Yehova

Orashon ku ta di akuerdo ku Yehova su boluntat ta manera aroma di sensia dushi i agradabel ku tabata ser kimá regularmente dilanti di Yehova na e tèmpel. (Sl 141:2) Nos ta mustra kuantu nos ta balorá nos amistat ku nos Tata selestial ora nos ekspresá nos amor i apresio na dje, ora nos bis’é kiko ta nos preokupashon- i deseonan i ora nos pidié pa su guia. Klaru, Yehova ta mira orashon públiko kòrtiku ku ta ser hasí na nos reunionnan komo un parti importante di nos adorashon. Sinembargo, si den nos orashonnan personal nos papia mas largu ku Yehova i bis’é loke realmente nos ta pensa i sinti, lo e bira masha kontentu!—Pro 15:8.

WAK E VIDIO MI TA HASI ORASHON TUR ORA BAI, I DESPUES KONTESTÁ E SIGUIENTE PREGUNTANAN:

• Ki asignashon Ruman Johnson a disfrutá di dje den Yehova su organisashon?

• Kon Ruman Johnson a dependé riba Yehova mediante orashon?

• Ki lès bo a siña for di Ruman Johnson su eksperensianan?