NOS BIDA KRISTIAN
Yehova Ta Yuda Nos Perseverá bou di Prueba
Durante e último dianan akí, nos ta enfrentá vários prueba difísil. Tin biaha nos por sinti ku nos pruebanan ta muchu difísil pa trata kuné. Sinembargo, si nos sigui hala serka Yehova, nos lo por perseverá asta bou di pruebanan masha difísil. (Isa 43:2, 4) Kon nos por hala serka Yehova ora nos ta pasa den prueba?
Orashon. Ora nos laga Yehova sa kiko tin den nos kurason, e por duna nos pas mental i forsa pa perseverá.—Flp 4:6, 7; 1Te 5:17.
Reunion. Awor mas ku nunka, nos tin mester di e kuminda spiritual i e asosiashon ku Yehova ta perkurá pa nos na nos reunionnan. (Heb 10:24, 25) Ora nos prepará pa nos reunionnan, asistí na nan i duna komentario, nos lo benefisiá plenamente di Yehova su spiritu santu.—Rev 2:29.
Sirbishi. Lo ta mas fásil pa nos enfoká riba kos positivo ora nos hasi tur loke nos por pa keda okupá den sirbishi. Ademas, nos lo fortalesé nos amistat ku Yehova i ku nos kompañeronan di trabou.—1Ko 3:5-10.
WAK E VIDIO YEHOVA LO KUIDÁ BO, I DESPUES KONTESTÁ E SIGUIENTE PREGUNTANAN:
Kiko a yuda Malu keda serka di Yehova durante su pruebanan?
Kon e palabranan na Salmo 34:18 por konsolá nos durante nos pruebanan meskos ku nan a konso lá Malu?
Kon Malu su eksperensia ta mustra ku Yehova ta duna nos “e poder ku ta surpasá esun di hende” ora nos ta pasa den prueba?—2Ko 4:7