Bo Por Kontribuí na e Felisidat den Bo Famia

Yehova ke pa famia ta felis. (Sl 127:3-5; Ekl 9:9; 11:9) Sinembargo, nos por pèrdè nos goso pa motibu di strès ku e mundu akí ta kousa i eror ku miembro di nos famia ta kometé. Kiko kada miembro di famia por hasi pa kontribuí na e felisidat den nan famia?

Un esposo ta duna onor na su esposa. (1Pe 3:7) E ta pasa tempu ku su esposa. E ta realístiko den loke e ta spera di dje, i e ta demostrá apresio pa tur loke su esposa ta hasi p’e i pa e famia. (Kol 3:15) E ta ekspresá su amor i ta elogiá su esposa.—Pro 31:28, 31.

Un esposa ta buska manera pa apoyá su esposo. (Pro 31:12) E ta sumiso na su esposo, i e ta kooperá kuné. (Kol 3:18) E ta papia na un manera bondadoso ku su esposo, i e ta papia bon di dje.—Pro 31:26.

Mayornan ta pasa tempu ku nan yunan. (Deu 6:6, 7) Nan ta bisa nan yunan ku nan ta stima nan. (Mat 3:17) Nan ta demostrá amor i disernimentu ora di disipliná nan yunan.—Efe 6:4.

Yunan ta onra i obedesé nan mayornan. (Pro 23:22) Nan ta laga nan mayornan sa loke nan ta pensa i kon nan ta sinti. Nan ta aseptá disiplina for di nan mayornan, i nan ta respetá nan mayornan.—Pro 19:20.

WAK E VIDIO KON NOS POR KONTRIBUÍ NA FELISIDAT DEN FAMIA?, I DESPUES KONTESTÁ E SIGUIENTE PREGUNTA:

• Kiko kada miembro di famia a hasi pa kontribuí na e felisidat den famia?