Ki Meta Bo A Pone pa e Aña di Sirbishi Nobo?

Meta spiritual ta inkluí kualke kos ku nos ta traha duru pa logra pa asina nos por sirbi Yehova mihó i hasié kontentu. Ta bale la pena pa dediká tempu i energia na logra meta spiritual, pasobra nan ta yuda nos bira kristian spiritualmente madurá. (1Ti 4:15) Dikon nos mester analisá nos metanan regularmente? Pasobra nos sirkunstansianan ta kambia. Kisas un meta ku nos a pone den pasado no ta realístiko mas òf nos a logra nos meta i nos por pone un otro.

Un bon momento pa analisá nos metanan ta promé ku un aña di sirbishi nobo kuminsá. Lo bo por papia tokante e tópiko akí durante boso Adorashon Komo Famia? Lo bo por pone meta pa bo mes i pa bo famia?

Kiko ta algun meta spesífiko ku bo a pone den e siguiente áreanan, i kiko bo tin planiá pa hasi pa logra nan?