NOS BIDA KRISTIAN

Yuda Hende Ku No Ta Religioso Siña Konosé Nan Kreador

Bo a yega di keda sin prediká na un persona ku no ta religioso pasobra bo a pensa ku lo e no skucha? Si esei ta e kaso, kòrda ku hopi hende ku no ta religioso, inkluso hende ateo, a bira Testigu di Yehova. Hopi bes, e úniko kos ku nan tabatin mester ta un tiki yudansa pa analisá evidensia ku Dios ta eksistí.—Rom 1:20; 10:14.

WAK E VIDIO HENDE SIN FE TAMBE POR KULTIVÁ FE!—HENDE KU NO TA RELIGIOSO, I DESPUES KONTESTÁ E SIGUINTE PREGUNTA:

Kon e ehèmpel di Tommaso ta yuda bo tin un punto di bista positivo di prediká na hende ku no ta religioso?

Bo kontesta

Kon nos por hasi esei?

Si un persona bisa bo ku e no ta kere den Dios, sea amabel, demostrá takto i mustra ku di bèrdat bo ta interesá den kon e persona ta pensa i sinti tokante e tópiko. (2Ti 2:24) Bo por papia di tópiko ku probablemente lo interes’é. E ta dispuesto pa analisá evidensia ku a yuda hopi hende kere den un Kreador? Si esei ta e kaso, usa publikashon i vidio diseñá pa e propósito ei. E foyeto Bida Ta Obra di un Kreador? a ser agregá na nos Kaha di Hèrmènt pa Siña Hende e Bèrdat pa asina ta mas fásil pa nos yega na dje.

Kisas na komienso lo bo sinti bo intimidá pa papia tokante e bèrdat ku un hende ku no ta kere den Dios. Si esei ta e kaso, dikon bo no ta puntra un publikadó ku eksperensia pa yudansa? Ademas, kòrda ku Yehova por yuda nos yega na kurason di hende ku ta dispuesto pa aseptá e bèrdat, asta si na promé instante nan no ta kere ku Dios ta eksistí.—Ech 13:48.