BIBLIOTEKA ONLINE Watchtower
Watchtower
BIBLIOTEKA ONLINE
Papiamentu (Kòrsou)
  • BEIBEL
  • PUBLIKASHON
  • REUNION
  • wp21 num. 1 pág. 14-15
  • Kon Orashon Por Yuda Bo?

No tin vidio disponibel pa esaki.

Despensa, tin un problema pa habri e vidio.

  • Kon Orashon Por Yuda Bo?
  • E Toren di Vigilansia Anunsiando e Reino di Yehova (Edishon pa Públiko) 2021
  • Informashon Similar
  • Orashon—Ku Kiko e Ta Yuda Bo?
    E Toren di Vigilansia Anunsiando e Reino di Yehova Dios—2015
  • Hala Serka Dios den Orashon
    Kiko Beibel Ta Siña Realmente?
  • Orashon Por Yuda Bo Hala Serka Dios
    Bo Por Disfrutá di Bida pa Semper!—Kurso di Beibel Interaktivo
  • “Laga Boso Petishonnan Ta Konosí Dilanti di Dios”
    E Toren di Vigilansia Anunsiando e Reino di Yehova Dios—2006
Mas Artíkulo
E Toren di Vigilansia Anunsiando e Reino di Yehova (Edishon pa Públiko) 2021
wp21 num. 1 pág. 14-15

Kon Orashon Por Yuda Bo?

Ora Pamela a haña kanser, el a buska yudansa médiko. Pero tambe el a hasi orashon na Dios pa dun’é forsa. Orashon a yud’é?

Pamela a splika: “Durante mi tratamentu, mi tabatin hopi miedu. Pero ora mi a resa na Yehova Dios, mi a sinti mi trankil i esei a yuda mi trata ku mi situashon sin miedu. Ainda mi ta haña hopi doló, pero orashon ta yuda mi keda positivo. Ora hende puntra mi kon mi ta sinti mi, mi ta bisa nan ku mi no ta sinti mi bon, pero mi ta kontentu.”

Klaru ku nos no mester warda te ora nos tin un malesa òf un problema serio pa hasi orashon. Nos tur ta enfrentá reto, sea grandi òf chikitu, i hopi bes nos mester di yudansa pa trata ku nan. Kon orashon por yuda bo?

Beibel ta bisa: “Tira bo karga riba SEÑOR, i e lo sostené bo; nunka e lo no permití pa e hustu wòrdu moví.” (Salmo 55:22) Ki un konsuelo esei ta! Pues, kon orashon por yuda bo? Ora bo resa na Dios na e manera korekto, lo e duna bo loke bo tin mester pa trata ku bo retonan.​—Wak e kuadro “Ku Kiko Orashon Por Yuda Bo?”

Ku Kiko Orashon Por Yuda Bo?

Bo por haña pas mental

E hòmber ku anteriormente a pèrdè su trabou awor ta kana ku un smail riba su kara.

“Laga Dios sa kiko ta boso petishonnan; i e pas di Dios ku ta surpasá tur komprondementu lo protehá boso kurason i boso mente pa medio di Kristu Hesus.” (Filipensenan 4:6, 7) Ora bo konta Dios bo problemanan, lo e yuda bo keda trankil i tuma bon desishon ora bo tin strès.

Bo por haña sabiduria di Dios

E hende muhé ku anteriormente tabata lesa orashon for di un buki, ta lesa Beibel na kas.

“Si un di boso falta sabiduria, lag’é sigui pidi Dios, i lo e dun’é esaki, pasobra e ta duna tur hende generosamente, sin tira na nan kara.” (Santiago 1:5) Ora nos ta bou di preshon, tin biaha, nos por tuma mal desishon. Si nos pidi Dios pa sabiduria, e por yuda nos kòrda hopi prinsipio di Beibel.

Bo por haña forsa i konsuelo

E pareha ku anteriormente tabata den hospital ta kana huntu den parke. E esposo kariñosamente ta guia su esposa, kende ta kana ku un garoti.

“Pa tur kos mi tin forsa pa medio di esun ku ta duna mi poder.” (Filipensenan 4:13) Yehova ta e Dios Todopoderoso, i e por duna bo e forsa ku bo tin mester pa trata ku bo retonan òf yuda bo ora bo ta pasa den prueba. (Isaías 40:29) Beibel ta yama Yehova e “Dios di tur konsuelo.” E por konsolá nos “den tur nos tribulashonnan.”​—2 Korintionan 1:3, 4.

KON ORASHON POR YUDA BO?

Yehova no ta obligá nos pa resa na dje. Mas bien, e ta animá nos pa hasi esei. (Yeremías 29:11, 12) Awor, kiko si den pasado bo a sinti ku Dios no a kontestá bo orashonnan? No desanimá ni entregá. Mayornan amoroso kisas no ta yuda nan yunan na e manera òf momento presis ku e yunan ta pensa. Podisé, e mayornan tin un mihó solushon. Pero un kos ta sigur: Mayornan amoroso lo yuda nan yunan.

Yehova Dios ta e tata di mas amoroso ku tin i e ke yuda bo. Si bo analisá bon loke nos a siña den Beibel tokante orashon i pone nan na práktika, Dios lo kontestá bo orashonnan.​—Salmo 34:15; Mateo 7:7-11.

    Publikashonnan na Papiamentu (Curaçao) (1986-2025)
    Log Out
    Log In
    • Papiamentu (Kòrsou)
    • Kompartí
    • Preferensia
    • Copyright © 2025 Watch Tower Bible and Tract Society of Pennsylvania
    • Kondishonnan di Uso
    • Maneho di Privasidat
    • Konfigurashon di Privasidat
    • JW.ORG
    • Log In
    Kompartí