Tur Hende Ke Tin un Futuro Sigur

Sinembargo, hopi hende ta duda ku nan lo haña e futuro ku nan ta deseá. Susesonan inesperá, manera e pandemia di COVID-19, a afektá e manera ku hende ta biba. Ademas, e susesonan ei tabatin un efekto negativo riba ekonomia i a resultá den morto di hopi hende. Komo resultado hende ta sinti ku nan lo no tin un futuro sigur.

Tur e insiguridatnan ei ta pone ku hende ta buskando algu ku lo yuda nan tin un mihó futuro. Algun hende ta kere ku tin un forsa invisibel manera destino òf suerte ku ta kontrolá nan bida. Hopi hende ta bai tras di edukashon i rikesa, pasobra nan ta pensa ku e kosnan ei sigur lo laga nan haña loke nan ke. Otro hende ta pensa ku bo mester ta un bon hende pa bo tin un bon bida.

Un di e opshonnan ei lo yuda bo haña e futuro ku bo ta deseá? Pa haña sa, bo mester pensa riba e siguiente preguntanan:

• Kiko realmente ta determiná bo futuro?

• Edukashon i plaka por garantisá bo un futuro sigur?

• Ser un bon hende ta garantisá bo un futuro sigur?

• Unda bo por haña un guia konfiabel ku por yuda bo haña un futuro sigur?

E edishon akí di E Toren di Vigilansia ta yuda bo haña e kontestanan.