Dios Ta Primintí Salú Mental Perfekto
Pa medio di Beibel, Dios ta duna konseho i konsuelo ku por yuda hende ku ta sufri di problema di salú mental.
Pero Dios a hasi asta mas ku esei. El a primintí ku lo e eliminá tur loke ta kousa problema di salú mental.
Ora Dios kumpli ku e promesa ei, sintimentu i pensamentu doloroso pa motibu di kos ku a pasa den pasado “lo no wòrdu rekordá mas ni bini na memoria.”—Isaías 65:17.
Testigunan di Yehova lo ta kontentu pa yuda bo haña sa na ki tempu i kon Dios lo kumpli ku e bunita promesa akí.