Tep Di Luna

Kiko Ta Bai Promé?

Kisas nos tin masha gana di dediká hopi tempu na nos estudio personal, pero pa mayoria di nos esei no ta bai. Pero, kon nos por usa e tiki tempu ku nos tin na e mihó manera? Pa di promé, no studia purá-purá. Ta mihó bo tuma tempu studia un tiki informashon, ku pasa lihé den hopi informashon.

Despues, pone prioridat. (Efe. 5:15, 16) Ata algun aki:

• Lesa Beibel tur dia. (Sal. 1:2) Pa kuminsá, purba di lesa e kapítulonan ku nos tin ku lesa pa e reunion di den siman.

• Prepará pa bo Toren di Vigilansia i pa e reunion di den siman. Hasi esfuerso pa duna komentario.—Sal. 22:22.

• Hasi bo bèst pa keda al dia ku otro kuminda spiritual, manera nos revistanan pa públiko, vidio i tur loke tin riba jw.org.

• Skohe un tópiko ku bo ta haña interesante. Bo por buska informashon tokante un difikultat ku bo tin, un pregunta òf un tópiko di Beibel ku lo bo ke komprondé mas mihó.