Studia pa Kompartí

Ora nos studia Beibel, nos ta sinti nos bon. Pero nos ta sinti nos mas bon i animá ainda ora nos konta otro hende tokante e hoyanan spiritual ku nos a haña. Proverbionan 11:25 ta ilustrá esei ku un ehèmpel. E ta bisa: “Hende ku ta duna otro hende di bebe lo haña di bebe.”

Ora nos konta un hende e kosnan ku nos a siña, nos lo keda kòrda nan i komprondé nan mihó. Anto nos lo ta felis tambe pasobra nos sa ku loke nos ta kont’é lo yud’é tambe.—Echo. 20:35.

Purba esaki: E siman ku ta bin, purba di konta un hende algu ku b’a siña. E hende por ta un famia, un ruman den kongregashon, un kolega, un kompañero di skol, un bisiña òf un hende ku bo haña den sirbishi. Kont’é loke b’a siña den bo mes palabra i purba di hasié na un manera fásil i komprendibel.

Kòrda: Bo ke kompartí loke b’a siña pa animá hende i no pa impreshoná otro.—1 Kor. 8:1.