Benefisiá di e Tekstonan di Referensia Ku Tin den e Márgennan

Den Beibel tin vários versíkulo ku ta konektá ku otro. E Tradukshon di Mundu Nobo di e Santu Skritura ta indiká esei ku lèternan chikitu tras di un palabra. E lèternan ei ta hiba bo na un lista di otro teksto ku tin mas detaye di e tópiko. Den e Beibel imprimí, e lèternan chikitu ta meimei di e página. Anto riba jw.org òf den JW Library^® app, bo tin ku primi riba e lèter chikitu pa mira e lista di otro teksto.

E lèternan di referensia por hiba bo na e siguiente opshonnan òf otronan:

Relato Paralelo: E referensia ta hiba bo na un otro buki di Beibel ku ta papia di e mesun relato. Por ehèmpel, wak 2 Sámuèl 24:1 i 1 Krónikanan 21:1.

Sita: E referensia ta mustra bo for di unda den Beibel e frase ei a bin. Por ehèmpel, wak Mateo 4:4 i Deuteronomio 8:3.

Profesia i Nan Kumplimentu: E referensia ta konektá un profesia ku su kumplimentu. Por ehèmpel, wak Mateo 21:5 i Zakarías 9:9.