Hesus A “Siña Obedensia”

Nos sa ku Hesus semper tabata obediente na Yehova. (Huan 8:29) Pero, dikon anto Beibel ta bisa ku “el a siña obedensia for di e kosnan ku el a sufri”?—Heb. 5:8.

Ora Hesus tabata aki riba tera, el a hañ’é ku situashonnan ku no tabata eksistí den shelu. Aunke su mayornan tabata stima Yehova, nan tabata imperfekto. (Lúk. 2:51) Tambe e lidernan religioso i e ofisialnan di gobièrnu malbado tabata trata Hesus mashá horibel. (Mat. 26:59; Mar. 15:15) Ademas, “el a demostrá gran humildat, i el a bira obediente te na morto,” sí, un morto kruel.—Flp. 2:8.

E kosnan ei ku Hesus a pasa aden a siñ’é ta obediente den situashonnan ku nunka el a hañ’é kuné den shelu. Debí na esei, el a bira un Rei i Sumo Saserdote perfekto ku por tene kompashon ku nos debilidatnan. (Heb. 4:15; 5:9) Despues ku Hesus a siña obedensia for di e kosnan ku el a sufri, el a bira ainda mas balioso pa Yehova i mihó kapasitá. Asina tambe, ora nos keda obediente bou di sirkunstansianan difísil, nos tambe por bira mas balioso pa Yehova i mihó kapasitá pa kumpli ku kualke asignashon ku e ke duna nos.—Sant. 1:4