Kon Diabel Su Aparensia Ta?
Loke Beibel ta bisa
Diabel, òf Satanas, ta un spiritu invisibel. Esei ke men ku e no tin un kurpa físiko ku nos por mira.—Efesionan 6:11, 12.
Hopi biaha, hende sa pinta Diabel manera un kriatura ku parse kabritu, ku kachu ku rabu, i ku un fòrki grandi den su man. Segun algun hende, tal deskripshon di Diabel a ser inventá pa pintor di Edat Medio ku probablemente a ser influensiá pa tradishon i mitologia di antigwedat.
Kon Beibel ta deskribí Diabel?
Beibel ta usa diferente komparashon pa deskribí Diabel. Eseinan ta yuda nos komprondé e klase di persona ku e ta, no kon su aparensia ta. Algun ehèmpel ta:
Angel di lus. E ta ofresé hende kos ku ta parse bon pa asina nan sigui su ideanan en bes di e siñansanan di Dios.—2 Korintionan 11:14.
Leon ku ta grita. Diabel ta ataká Dios su adoradónan ferosmente.—1 Pedro 5:8.
Dragon grandi. E ta spantoso, poderoso i ta kousa hopi daño.—Revelashon 12:9.