Ken Bo Por Konfia?—⁠Kiko Beibel Ta Bisa?

Hopi hende ta keda desapuntá ora nan ripará ku nan no por konfia hende ku en realidat mester ta hende konfiabel. Hopi hende a stòp di konfia . . .

• e lidernan polítiko ku ta wak nan mes interesnan promé en bes di wak e nesesidatnan di e pueblo.

• e medionan di komunikashon ku no ta duna notisia verídiko òf, na un manera onesto.

• e sientífikonan ku no tin bienestar di hende na pechu.

• e lidernan religioso ku ta metí den polítika en bes di ta representantenan di Dios.

Hende tin tur rason pa ta kouteloso ken nan ta konfia. Beibel ta bisa lo siguiente:

•  “No pone bo konfiansa den gobernante ni den niun otro hende, pasobra nan no por salba bo.”—Salmo 146:3, nota.

Un persona ku bo por konfia

 Beibel ta papia di un persona ku sí nos por konfia; e persona ei ta Hesukristu. Hesukristu no tabata djis un bon hende ku a biba hopi siglo pasá. Dios a skohe Hesus pa e “reina komo Rei . . . , i lo no tin fin na su Reino.” (Lukas 1:32, 33) Hesus ta Rei di e Reino di Dios. E Reino di Dios ta un gobièrnu ku ta na mando aworakí kaba den shelu.—Mateo 6:10.

• Pa haña sa dikon nos por konfia Hesus, lesa e siguiente artíkulonan: “Ken Ta Rei di e Reino di Dios?” i “Kiko e Reino di Dios Lo Logra?”