Di Unda e Nòmber Testigunan di Yehova A Bini?

Segun Beibel, e nòmber di Dios ta Yehova. (Éksodo 6:3; Salmo 83:18) Un testigu ta un persona ku ta papia di idea- òf bèrdatnan ku e ta konvensí di dje.

P’esei, nos nòmber, Testigunan di Yehova, ta indiká ku nos ta un grupo di kristian ku ta duna di konosé e bèrdatnan tokante Yehova, e Kreadó di tur kos. (Revelashon 4:11) E manera ku nos ta hiba nos bida i nos trabou di prediká e mensahe di Beibel ta un forma di duna testimonio na otro hende.—Isaías 43:10-12; 1 Pedro 2:12