Dios Ta Biba na un Lugá Spesífiko?

E kontesta ku Beibel ta duna

Sí. Dios ta biba na un lugá spesífiko: den shelu. Wak e siguiente pasashinan di Beibel:

Den un orashon, Rei Sálomon a bisa: “Tende abo den shelu, bo lugá di biba.”—1 Reinan 8:43, Beibel Santu.

Hesukristu a siña su disipelnan pa hasi orashon na nan “Tata ku ta den shelu.”—Mateo 6:9.

Despues di e resurekshon di Hesus, el a drenta “den shelu mes, pa presentá awor dilanti di Dios.”—Hebreonan 9:24.

E pasashinan ei ta mustra bon kla ku Yehova Dios ta un persona real i ku e ta biba den shelu, i no tur kaminda.