Hesus Tabata Djis un Bon Hende?

E kontesta ku Beibel ta duna

Hesus tabata mas ku djis un bon hende. De echo, e impakto ku e tabatin riba historia a superá esun di kualke otro hòmber. Tuma nota di loke e siguiente historiadónan i eskritornan famoso a bisa tokante Hesus:

“Hesus di Názarèt . . . sin duda ta e figura ku tabatin mas influensia den historia.”—H. G. Wells, historiadó ingles.

“[Hesus su] bida ta e bida ku a kousa mayor impakto riba e planeta akí, i su influensia ta sigui krese.”—Kenneth Scott Latourette, historiadó i outor merikano.

Beibel ta mustra dikon Hesus tabatin e influensia di mas grandi den historia, mas ku kualke otro bon hende ku a yega di biba. Ora Hesus a puntra su siguidónan mas yegá ken nan a kere ku e tabata, un di nan a kontestá: “Abo ta Kristu, Yu di e Dios bibu.”—Mateo 16:16.