Hesus Ta Dios Todopoderoso?

E kontesta ku Beibel ta duna

E atversarionan di Hesus a akus’é di ta hasi su mes igual ku Dios. (Huan 5:18; 10:30-33) Sinembargo, Hesus no a pretendé nunka di ta igual ku Dios Todopoderoso. Mas bien el a bisa: “E Tata ta mas ku mi.”—Huan 14:28.

E promé siguidónan di Hesus tampoko no a konsider’é igual ku Dios Todopoderoso. Por ehèmpel, apòstel Pablo a skirbi ku despues ku Hesus a resusitá, Dios “a hals’é na un puesto mas haltu.” Ta bisto ku Pablo no a kere ku Hesus tabata Dios Todopoderoso. Si tabata asina, kon Dios lo por a halsa Hesus na un puesto mas haltu?—Filipensenan 2:9.