Kon Mi Por Vense Mi Adikshon na Pornografia?

Loke bo por hasi

Komprondé kiko tin tras di pornografia. En realidat, pornografia ta baha balor di algu ku Dios a krea pa ta onorabel, esta, relashon seksual. Si bo mira pornografia di e manera akí, esei por yuda bo ‘odia loke ta malu.’—Salmo 97:10.

Pensa riba e konsekuensianan. Pornografia ta baha balor di tantu esnan ku ta aparesé den dje komo esun ku ta wak e. Pues, ta ku bon motibu Beibel ta bisa: “Un hende prudente ta mira maldat i ta skonde.”—Proverbionan 22:3.

Tuma un desishon firme. Yòb, un hòmber fiel, a bisa: “Mi a sera un pakto ku mi wowonan pa nan no fiha ku deseo riba niun muhé.” (Yòb 31:1, Beibel na papiamentu koriente) Bo tambe por sera un ‘pakto’ ku bo wowonan? Ata algun sugerensia:

• Lo mi no usa Internet ora mi ta mi so.

• Lo mi sera mesora kualke pop-up òf website ku ta mustra kosnan inmoral.

• Si mi bolbe kai den dje, lo mi buska yudansa di un amigu maduro.

Hasi orashon. E salmista a roga Yehova Dios: “Kita mi bista for di kosnan sin balor.” (Salmo 119:37) Dios ke pa kos bai bon ku bo, anto si bo pidié den orashon, lo e duna bo e forsa ku bo tin mester pa hasi loke ta korekto.—Filipensenan 4:13.

Papia ku un hende. Un paso importante pa vense e bisio akí ta di skohe un persona di konfiansa pa bo papia kuné.—Proverbionan 17:17.

Kòrda riba esaki: Kada biaha ku bo nenga di wak pornografia, bo a gana un bataya mas. Konta Yehova Dios tokante bo logro i gradisié pa e forsa ku el a duna bo. Ora bo evitá pornografia, bo ta hasi su kurason kontentu!—Proverbionan 27:11.