Kiko Mi Por Resa Pidi Dios?

E kontesta ku Beibel ta duna

Bo por resa pidi Dios tur loke ta na armonia ku su boluntat. Beibel ta bisa: “Kiko ku nos pidi [Dios] ku ta di akuerdo ku su boluntat, e ta tende nos.” (1 Huan 5:14) Bo por papia kuné tokante bo preokupashonnan? Sí, pasobra Beibel ta bisa: “Drama boso kurason su dilanti.”—Salmo 62:8, Beibel Santu.

Kiko asina bo por pidi den orashon?

• Fe den Dios.—Lukas 17:5.

• Spiritu santu, òf e forsa aktivo di Dios, pa yuda bo hasi loke ta bon.—Lukas 11:13.

• Forsa pa trata ku difikultat i pa resistí tentashon.—Filipensenan 4:13.

• Pas mental.—Filipensenan 4:6, 7.

• Sabiduria pa tuma bon desishon.—Santiago 1:5.

• Yudansa pa haña e nesesidatnan di kada dia.—Mateo 6:11.

• Pordon di piká.—Mateo 6:12.