Di Bèrdat Demoñonan Ta Eksistí?

E kontesta ku Beibel ta duna

Sí. Demoñonan ta “angelnan ku a peka,” kriaturanan spiritual ku a rebeldiá kontra Dios. (2 Pedro 2:4) E promé angel ku a bira demoño ta Satanas e Diabel, kende Beibel ta yama “gobernante di demoño.”—Mateo 12:24, 26.

Rebelion den tempu di Noe

Promé ku e Diluvio den tempu di Noe, hopi angel a rebeldiá kontra Dios. Beibel ta bisa ku “e yu hòmbernan di Dios a mira ku e yu muhénan di hende tabata bunita; i nan a tuma esposanan pa nan mes, esun ku nan tabata kier a skohe.” (Génesis 6:2, Beibel Santu) E angelnan rebelde ei “a bandoná nan propio lugá di biba” den shelu i a tuma kurpa humano pa tene relashon seksual ku hende muhé.—Hudas 6.

Ora e Diluvio a yega, e angelnan rebelde a bandoná nan kurpa humano i a bolbe na shelu. Sinembargo, Dios a saka nan for di su famia. Komo parti di nan kastigu, Dios a prohibí e demoñonan pa nunka mas nan bisti kurpa humano.—Efesionan 6:11, 12.