Pakiko Testigunan di Yehova No Ta Usa Krus den Nan Adorashon?

Hopi hende ta mira krus komo e símbolo universal di kristianismo. Testigu di Yehova ta kristian, pero tòg nos no ta usa krus den nos adorashon di Dios. Dikon nò?

Pa kuminsá, Beibel ta indiká ku Hesus no a muri na krus sino na un simpel staka. E palabra griego ku Beibel ta usa i ku generalmente ta ser tradusí komo “krus” ta nifiká básikamente “un palu règt òf staka.” (Echonan 10:39) Tambe Beibel ta duna kristian e mandamentu bon kla akí: “Hui di idolatria,” ku ta referí na adorashon di imágen òf di dios falsu.​ I uso di krus den adorashon ta un ehèmpel di idolatria.—1 Korintionan 10:14, nota; 1 Huan 5:21.

Ademas, Hesus mes a siña hende kiko ta e kos ku lo a identifiká kristianismo ora el a bisa: “Na esaki tur hende lo sa ku boso ta mi disipelnan, esta, si boso ta stima otro.” (Huan 13:34, 35) Pues, loke realmente ta identifiká kristian no ta krus ni niun otro imágen, sino berdadero amor pa próhimo.