Wega di Plaka Ta Piká?

E kontesta ku Beibel ta duna

Aunke Beibel no ta papia spesífikamente tokante wega di plaka, e prinsipionan ku tin den dje ta laga nos komprondé ku Dios ta mira wega di plaka komo piká.​—Efesionan 5:17.a

• Hende ta hunga wega di plaka pa motibu ku nan ta golos i Dios ta odia esaki. (1 Korintionan 6:9, 10; Efesionan 5:3, 5) Hende ku ta gèmbel ke haña e plaka ku otronan ta pèrdè, pero Beibel ta kondená kudishi, esta, e deseo di haña kos di otro hende.​—Éksodo 20:17; Romanonan 7:7; 13:9, 10.

• Wega di plaka, asta pa sumanan chikí, por duna bo un amor destruktivo pa plaka.​—1 Timoteo 6:9, 10.

• Hende ku ta gèmbel hopi bes ta stèns riba superstishon òf suerte. Pero Dios ta mira esei komo un akto di idolatria ku ta bai kontra e adorashon na dje.​—Isaías 65:11.

• En bes di promové un deseo di haña kos por nada, Beibel ta animá nos pa traha duru. (Eklesiástes 2:24; Efesionan 4:28) Esnan ku ta sigui e konseho akí di Beibel por “kome kuminda ku nan mes a traha p’e.”—2 Tesalonisensenan 3:10, 12.

• Wega di plaka por pone bo haña un aktitut kompetitivo, i Beibel no ta aprobá esaki.​—Galationan 5:26.