Nota

a Por ehempel, e pueblo di Yoruba na Nigeria, tin un creencia tradicional di reencarnacion dje alma. Pues ora un mama perde un yu, tin un tristesa intenso pero solamente pa un periodo corticu, pasobra manera un dicho di Yoruba ta bisa: “Ta e awa a basha abou. E calbas no a kibra.” Segun e pueblo di Yoruba, esaki kier men cu e calbas cu ta carga awa, esta e mama, por haña un otro yu​—kisas un reencarnacion dje yu morto. Testigonan di Jehova no ta sigui ningun tradicion basá riba supersticionnan cu ta sali for dje ideanan falsu di alma inmortal i reencarnacion, ideanan cua no tin base den Bijbel.​—Eclesiastés 9:​5, 10; Ezekiel 18:​4, 20.