Nota

a Promé ku e revolushon di òktober 1917, Rusia tabata usa e kalènder juliano ku tabata mas bieu, pero mayoria pais ya a kambia pa e kalènder gregoriano. Na 1917 e kalènder juliano tabata 13 dia tras di e kalènder gregoriano. Despues di e revolushon, e soviétikonan a kambia pa e kalènder gregoriano, i for di e tempu ei Rusia ta usando e mesun kalènder ku e restu di mundu. Sin embargo, e Iglesia Òrtodòks a keda usa e kalènder juliano pa su selebrashonnan. Nan ta yam’é e kalènder “Estilo Bieu.” Kisas bo a tende ku na Rusia nan ta selebrá Pasku dia 7 di yanüari. Ma kòrda ku 7 di yanüari riba e kalènder gregoriano ta 25 di desèmber riba e kalènder juliano. Pues, hopi ruso ta selebrá e siguiente dianan di fiesta: 25 di desèmber, Pasku oksidental; 1 di yanüari, Aña Nobo no-religioso; 7 di yanüari, Pasku òrtodòks; 14 di yanüari, Aña Nobo Estilo Bieu.