Nota

a Meskos ku e orashon modelo ku Hesus a duna, e Kaddish ku nan ta hasi ora un ser kerí muri tambe ta pidi pa Dios su nòmber ser santifiká. Ounke tin algun desakuerdo riba e echo ku si e Kaddish a originá den e tempu di Kristu òf asta mas promé, nos no mester keda sorprendí ku tin algun similaridat entre esaki i e orashon modelo. Hesus no a duna e orashon ei ku e intenshon di bin ku algu inovativo òf revolushonario. Kada un petishon den dje tabata firmemente basá riba e Skritura ku tur hudiu tabatin na nan disposishon e tempu ei. Hesus tabata animando su kompañeronan hudiu pa hasi orashon pa kosnan ku nan lo mester tabata pidi p’e hopi tempu kaba.