Felis Ta e Miserikòrdiosonan!

1. E miserikòrdiosonan,

pa Dios bunita hendenan,

ta proklamá ku tur rason

ku Dios tin goso den pordon.

Den Kristu, Dios a demostr’é;

reskate El a ofresé.

E sa di nos debilidat,

ta pordoná den su bondat.

2. E miserikòrdiosonan

deskanso tin na Dios su man.

Nan tin pordon pa nan eror;

pa nan, Hesus t’e Mediador.

Pa kompartí amor di Dios,

rònt mundu nan ta halsa bos,

bisando hende, ‘Alegrá,

e Reino ya ta goberná!’

3. E miserikòrdiosonan

tin fe ku Dios ta stimanan.

Nan tin miserikòrdia, pues,

ta risibié for di nan Hues.

Pues, semper nos ke produsí

e tierno kualidat akí.

Hesus i Dios a mustra kon

nos tambe por tin kompashon.