Fiha Bo Bista Riba e Rekompensa!

1. Dia wowo siegu mira kla

i orea surdu tende kla,

dia tera seku floresé

i riunan limpi refresk’é;

dia lam ta kore sin doló,

dia morto mes a yama ayó,

bo mes lo t’ei pa disfrutá;

djis tene bo bista fihá.

2. Dia muda papia pa su mes

i bieunan pèrdè nan behes,

dia tur kunuku bona bon

ku abundante produkshon;

dia muchanan tur alegrá

i pas i goso resoná,

e mortonan lo ser lantá;

djis tene bo bista fihá.

3. Dia oso biba ku karné,

leon ku lamchi i bisé,

i e bestianan obedesé

un yu ku bisa nan siguié;

dia yoramentu terminá

i tur doló b’a lubidá,

Yehova lo bo alabá;

djis tene bo bista fihá.