PREGUNTA 2
Kon bo por konosé Dios?
“E buki di lei akí lo no apartá for di bo boka, ma bo mester meditá den dje di dia i anochi, pa bo perkurá di hasi konforme tur loke ta pará skirbí den dje; pasobra e ora ei lo bo hasi bo kaminda prosperá, i e ora ei lo bo tin éksito.”
“Nan a lesa for di e buki, for di e lei di Dios, i a splika pa duna e nifikashon, asina ku nan tabata komprondé loke tabata wòrdu lesá.”
“Bendishoná ta e hende ku no ta kana den e konseho di malbadonan . . . , ma su delisia ta den e lei di SEÑOR, i den su lei e ta meditá di dia i anochi. . . . Tur loke ku e hasi ta prosperá.”
“Felipe a kore bai banda di e garoshi i a tende [e ofisial di Etiopia] ta lesa e buki di profeta Isaías na bos haltu, i Felipe a puntr’é: ‘Bo ta komprondé tur loke bo ta lesa?’ El a kontest’é: ‘Kon mi por komprondé si ningun hende no guia mi?’”
“Su kualidatnan invisibel, esta, su poder eterno i Divinidat, ta ser mirá bon kla for di kreashon di mundu padilanti, ya ku nan ta bisto den e kosnan trahá, di manera ku e hendenan ei no tin èksküs.”
“Reflekshoná riba e kosnan akí; keda intensamente okupá ku nan, pa tur hende por mira bon kla ku bo a hasi progreso.”
“Laga nos presta atenshon na otro pa nos por stimulá otro pa mustra amor i hasi bon obra, i no keda sin bai e reunionnan.”
“Si un di boso falta sabiduria, lag’é sigui pidi Dios, i lo e dun’é esaki, pasobra e ta duna tur hende generosamente, sin tira na nan kara.”