PREGUNTA 6
Kon algun profesia tokante e Mesías a kumpli?
PROFESIA
“Abo, Bètlehèm Efrata, . . . for di bo lo sali unu pa mi pa ta gobernante na Israel.”
KUMPLIMENTU
“Hesus a nase na Bètlehèm di Hudea den e dianan di Rei Heródes.”
PROFESIA
“Nan ta parti mi pañanan entre nan, i nan ta tira lòt riba mi bistí.”
KUMPLIMENTU
“Awor, despues ku e sòldánan a klaba Hesus na staka, nan a kue su pañanan i parti nan den nan kuater . . . Ma e paña djabou tabata sin nat, ya ku e tabata di weef tur na un. Di manera ku nan a bisa otro: ‘Laga nos no sker e, ma ban tira lòt pa disidí ken ta keda kuné.’”
PROFESIA
“E ta kuida tur su wesunan; ningun di nan no ta wòrdu kibrá.”
KUMPLIMENTU
“Ora nan a yega na Hesus, nan a mira ku e tabata morto kaba, i p’esei nan no a kibra su pianan.”
PROFESIA
“El a wòrdu traspasá pa nos transgreshonnan.”
KUMPLIMENTU
“Un di e sòldánan a hink’é den su kustia ku un lansa, i mesora sanger ku awa a basha for di einan.”
PROFESIA
“Nan a pisa trinta siklo di plata komo mi suèldu.”
KUMPLIMENTU
“Anto un di e 12 apòstelnan, esun ku yama Hudas Iskariot, a bai serka e saserdotenan prinsipal i a puntra nan: ‘Kiko boso lo duna mi pa entreg’é na boso?’ Nan a primintí di dun’é 30 moneda di plata.”